මේඛලා

පරණ ඇද යට තිබී
මණිමේකලාවක් සම්බවිය
එහි දිස්න අඩුවී
මුතු ද ගිලිහී තිබිණ
ඔපදමා රෑ හොරෙන්
එය ඔතාගෙන බැලිමි
අගල් හතරක් පහක්
දිගින් අඩුවී තිබිණි
පහන් දැල්ලට ළංකර
එහි දිස්න සොයන සඳ
ගාංචුව ලිහිල්වී
විදගෙන අතැගිල්ල
වැටිනි ලේ බිදු කීපයක්
මේකලාවෙන් පිටට
ආහ්....
මගේ කඬහඬ
වෙනස්වී
ඇගේ කටහඬ රැව් දින...

උඹ

උඹ
උඹ
උඹ
ඔව්
උඹ තමයි
ගලන්න කියා
නතරවුනු ලිද
මං
ගලලා
ගලලා
ගලලා
මූදටම ගියා
උඹ
මට ගලන්න කියා
මට හොරෙන්
ගමේ
නතරවුනා
ඌ එයි දැන්
උඹ ළඟට නාන්ට
උඹ
උඹ
උඹ මේ අහපන්
මං නතරවුනේ
ඌ
ලිද ඇතුළට අදින්ට
පරණ  තරහක් මකන්ට
ඉදින් ඩින්ගක්
මම ආපහු ගලන්ට
මුහුද කරා ඇදෙන්ට
පමාවෙලා හිටින්ට

මං දැන් වැන්දඹුවක්

මම එතී
දළු දමමින් සිටි කලෙක
මා බදාගෙන සිටි
ගසට
අකුණු පහරක් වැදින

ඉගිලීම

ඉගිලී
යනු
පෙර
ගිලී
ගියා
දියඹක්
හැර
ඉරක්

භීතිකාව

විභාගෙකින්
මනිනවලු බං
අපේ මොළ ගෙඩි
උන් දන්නව ද බං
මනින්ට
අපේ හද ගෙඩි
කියාපන්
හදගෙඩි මනින
ප්‍රශ්නාවලිය
හදන්ටයි කියා
බුද්ධිය මැරී වැටුනු දා
භාවය දිනාගති
ලකුණු සියයම

10.රෑහියගේ විලාපය

රෑට නිදන්ටවත්
හැටියක් නෑ මට
කියමි
දහවල
රිදවුනු
සියලු දෙය
කියා වෙහෙස වූ කල
මැරී වැටෙමි
අතු පාමුල
පසුදාට
උන් පැමිණ
ගිලදාවි
මා සිරුර.

9.සිරකාරියගේ විලාපය

සිර ගෙයක
මැටි ඇතිලියක
ඉදෙනවා
මම
අම්මා අප්පාට
බාලයොන්ට
පිරිමි යැයි මෙහි සිටින
පොන්නයින්ට
කන්ට
කිරි බතක් වෙලා
මගේ කඳුළු
ලුණු මිරිසක් වෙලා
මනසින්
ඊතලයක් ගෙන
මනසින්ම
විදිමි මම
ඊතලය බැගින්
අම්මාට අප්පාට
පොන්නයින්ට
තව
මට
මානසිකව වද දෙන
සියල්ලන්ට
හිත් පිත් නැතිනම් උන්ට
මට හිත් පිත් තිබී
කුමට ද
සිරගෙයක
සිරකාරියකි මම
මානසිකව මරා
මානසිකව
මිය ගොස්
සිරගතවුනු...